Кошарка
Бојиќ му донесе нова победа на МЗТ Скопје
Кошаркарите на МЗТ Скопје ја забележаа и деветтата победа во Регионалната АБА 2 лига, откако на гостински терен славеа над Хелиос со 92:73.
По двата пораза од словенечки екипи на гостински терен, избраниците на Ѓорѓи Кочов дојдоа до првиот триумф против тим од оваа земја. „Металците“ во текот на сите 40 минути ја имаа резултатската контрола на мечот и на крајот сосема задлужено дојдоа до победата.
Убедливо најефикасен кај тимот од Аеродром беше Андрија Бојиќ со 35 поени, а придодаде и 11 скокови и две блокади, додека Вудард постигна 14 коша.
МЗТ Скопје со оваа победа се заврсти на второто место на табелата, а во последниот меч за оваа 2018 година „металците“ ги очекува ново гостување, во Србија против Борац од Чачак.