Брајтон го „шокираше“ Стемфорд Бриџ

Во 20. коло од англиската Премиершип, Челзи го пречека тимот на Брајтон.

Натпреварот се одвиваше во голема борба, гостите не дојдоа да се бранат во Лондон, а конечниот резултат гласеше 1:1.

Челзи поведе во 28. минута кога Маунт го ангажираше Лукаку кој погоди за 1:0.

На овој меч Челзи имаше уште една шанса за гол, но и гостите не останаа должни, имаа два добри обиди преку Маупеј, но одбраната на лондонскиот тим беше на висина на задачата се до првата минута од продолжението кога Велбек погоди за 1:1 и голем бод за Брајтон.

По 20 кола, Челзи е втор со 42 бода, осум помалку од Манчестер Сити и еден бод повеќе од Ливерпул, но и натпревар повеќе од „црвените“.