Бруно Фернандеш: Клоп? Не ми е грижа

Бруно Фернандеш одговори на Јирген Клоп, кој последните денови зборуваше за бројните казни досудени за Манчестер Јунајтед.

„Често слушам луѓе како зборуваат за многу досудени пенали во корист на Манчестер Јунајтед“, изјави Бруно Фернандеш во пресрет на првенствениот предизвик против Ливерпул.

„Да бидам искрен, не ми е гајле. Јас не се фокусирам на она што луѓето го велат. Имаме многу брзи играчи во напад. Го имаме Марсијал, кој во казнениот простор е многу паметен и брз, еден од најдобрите, според мене“.

„Потоа, тука е Рашфорд. И тој може брзо да ја движи топката и да ги уништи дефанзивците. Верувам дека е нормално, со оглед на нивните карактеристики, дефанзивците да прават прекршоци и да добиеме пенал“.

„Играв во Португалија и честопати, кога станува збор за Спортинг, Порто или Бенфика, од судијата секогаш се бараше да биде под притисок“.