Connect with us

Фудбал

Чави доби одлична вест откако тимот пристигна во Саудиска Арабија

Фудбалерите на Барселона вчера отпатуваа за Саудиска Арабија каде ќе се игра Суперкупот на Шпанија.

Како и лани, во Саудиска Арабија се игра шпанскиот Суперкуп, а закажани се полуфиналињата и финалето.

Утре во полуфиналето не очекува спектакл кога ќе се сретнат Барселона и Реал Мадрид. Иако Реал сезонава е во далеку подобра форма, многумина очекуваат многу интересен натпревар бидејќи е јасно дека Барселона нема така лесно да се предаде.

Каталонците вчера отпатуваа за Саудиска Арабија, а претходно Чави Ернандез го објави списокот на играчи на кои ќе смета на овој натпревар.

Одлична вест за Чави беше дека Феран Торес конечно беше регистриран, но тој не беше на списокот на патници бидејќи беше позитивен на коронавирус пред да замине за Саудиска Арабија. Поради истото го немаше Педри кој се опорави од повредата.

Но, Барселона синоќа ги воодушеви своите навивачи кога објавија дека Феран и Педри биле негативни на вториот тест и добиле дозвола од клубот да се приклучат на тимот.

Феран и Педри денеска ќе отпатуваат за Саудиска Арабија каде ќе му се приклучат на првиот тим, а најверојатно утре ќе му бидат на располагање на Чави за Ел Класико, што секако е одлична вест за тренерот на Барселона.

Во Ријад со почеток од 20 часот се игра полуфиналето на шпанскиот Суперкуп помеѓу Барселона и Реал Мадрид.