Чави го избра најдобриот играч за врска во светот: Одличен е и има сосема поинакво ниво во споредба со другите

Легендарниот фудбалер на Барселона, а денес успешниот менаџер на катарскиот Ал Сад, Чави Хернандез го избра најдобриот играч за врска во светот во моментот.

Човекот кој со своите игри ја маѓепса легендата на светскиот фудбал е Белгиецот Кевин де Бруин. Чави зборуваше за него со избрани зборови.

„Кевин де Бруин од Манчестер Сити ми се чини дека има сосема поинакво ниво за сите. Тој е одличен, способен да направи разлика. Тој во моментов е најдобриот играч за врска во светот и сè уште е релативно млад“, изјави Чави.

За Чави нема дилема кој е најдобриот тренер на светот. Тоа е Пеп Гвардиола.

„Пеп е најдобар на светот. Тој го смени фудбалот. Тој е одличен во она што го работи и има големи лидерски способности“, рече Чави.

Исто така, Чави го истакна Виргил ван Дијк како најдобар дефанзивец во светот поради неговата физичка доминација и лидерство во играта.