Дали Барселона ќе остане без клучниот спонзор поради глупавите коментари на Гризман и Дембеле?

Во француската јавност изби голема афера околу расистички инцидент во кој учествуваа напаѓачите на Барса, Антоан Гризман и Усман Дембеле.

Иако ова е настан од 2019 година, дури сега видеото со појави во јавноста. На видеото, Дембеле и Гризман се потсмеваат на работниците во хотелот каде што престојувале и сето тоа се претвори во расистичка навреда кон луѓето од Јапонија.

Хироши Микитани, претседател на Ракутен, еден од главните спонзори на Барселона, смета дека изјавите на двајцата Французи се „неприфатливи под никакви околности“.

“Како спонзор на клубот и организатор на турнеи, многу ми е жал што играчите на Барселона дадоа дискриминаторски коментари. Бидејќи Ракутен ја поддржа филозофијата на Барса и го спонзорираше клубот, ваквите изјави се неприфатливи под никакви околности и ќе бидат формално протестирани против клубот со презентирање на обете точки“, рече Микитани.

По објавувањето на видеото, двајцата фудбалери вчера се извинија на социјалните мрежи, тврдејќи дека во никој случај не сакале да ја навредуваат јапонската култура.

Ракутен беше еден од клучните спонзори на Барселона во последните неколку години и во Каталонија се загрижени дека глупостите на Гризман и Дембеле може да му наштетат на клубот.

Летото 2016 година, Ракутен стана главен спонзор на Барселона за 220 милиони евра. Ракутен е јапонски лидер во онлајн услугите, а сега нивниот бизнис е фокусиран на глобално ниво. Барселона ја препорачаа Шакира и Пике

„Барселона е најпопуларниот клуб во Јапонија, но нашата амбиција е да ја претвориме јапонската марка во европска“, нагласи тогашниот претседател и извршен директор на Ракутен, Хироши Микитани.