Connect with us

Фудбал

Дали ја имаме зимската бомба?! Мбапе се договорил со Реал Мадрид

Килијан Мбапе одлучи да стане нов фудбалер на Реал Мадрид и наскоро ќе потпише преддоговор, ексклузивно објави францускиот новинар Санти Ауна, кој вообичаено објавува сигурни информации. Мбапе го залуде фудбалскиот свет во 2016 година кога како 18-годишник одлично се снајде во дресот на Монако, кој го предводеше до шампионската титула во сезоната 2016/2017, а веќе во 2017 година беше купен од ПСЖ за цели 180 милиони евра. Во дресот на парижаните продолжи да се истакнува и досега има постигнато 237 гола на 284 натпревари, а секое лето се споменуваше неговата преселба во Реал Мадрид.


Најблиску до пристигнување на „Сантијаго Бернабеу“ беше летото 2022 година кога можеше да се пресели како слободен играч, но на крајот го продолжи договорот со ПСЖ до летото 2024 година. Овој пат, како што пренесува Ауна, тој се одлучил за дефинитивно заминување од ПСЖ во Реал, со кого веќе ги договорил сите услови и чека само официјализирање на зделката. Неофицијално неговата плата во Реал ќе биде 26 милиони евра годишно, а за потпишување на договорот ќе добива 50 милиони евра.