Де Геа: Сега сум фокусиран на СП, не размислувам за трансфер

Голманот на шпанската фудбалска репрезентација и член на Манчестер Јунајтед, Давид де Геа, изјави дека сега не размислува за негов можен трансфер од клубот, туку се фокусира на подготовките за Светското првенство во Русија.

Претходно беше објавено дека ова лето, 27-годишниот голман има намера да потпише за Реал Мадрид.

– Сега најважниот датум за мене е 15 јуни. Светското првенство е многу важно за шпанскиот тим, мора да покажеме добра игра за да одиме колку што е можно подалеку. Што се однесува до мене, среќен сум во Манчестер Јунајтед, но во исто време сум фокусиран на работите на националниот тим.

На Светското првенство Шпанците ќе играат во групата Б заедно со Португалија (15 јуни), Иран (20) и Мароко (25).