Дел Нери нов тренер на Бреша

Бреша, 4 септември 2020 (МИА) – Бреша, која годинава не избори опстанок и ја напушти Серија А, се одлучи за нов тренер. Станува збор за 69-годишниот Луиџи Дел Нери.

Искусниот италијански фудбалски стручњак денес е назначен на оваа функција, се наведува на веб-страницата на клубот.

Последното место на работа на Дел Нери беше Удинезе.

Пред тоа, тој работеше со клубови како Емполи, Киево, Порто, Рома, Палермо, Аталанта, Сампдорија, Јувентус, Џенова и Верона. зс/