Деновите на Тухел во ПСЖ се избројани: Се знае и кој ќе го наследи

Во 1. коло од Лигата на шампионите, ПСЖ загуби на домашен терен од Манчестер Јунајтед (1:2), а овој пораз може скапо да го чини германскиот стручњак Томас Тухел.

Поразот од Јунајтед жестоко го потресе францускиот тим, а Тухел беше исто така мета на влијателни медиуми, па неговиот престој изгледа како невозможна мисија.

„Тие играат ужасно. Срамота е како изгледаа во првото полувреме. Откако влезе Рафиња, работите малку се сменија, но поразот е заслужен. Погледнете како изгледа тимот, Тухел го изгуби нервот. Нејмар е најдобриот играч, но не вака. Овој тим нема тренер“, рече познатиот француски фудбалски аналитичар Пјер Менез.

Но, тоа не е единствениот проблем за Тушел. Имено, познато е дека спортскиот директор Леонардо „не го мириса“, а наводно Бразилецот веќе започнал да ги убедува богатите сопственици да го отпуштат германскиот стручњак.

А, ситуацијата ја следи Масимилијано Алегри, кого Леонардо всушност сака да го види на клупата на ПСЖ. Деновите на Тухел во ПСЖ се чини дека се избројани.