Депај: Не успеав ни да го запознам Меси

Мемфис Депај може да биде еден од клучните играчи на Барселона во новата сезона.

Депај пристигна во Барселона како слободен играч од Лион и веќе во првите натпревари за Каталонците покажа дека е вистински погодок.

Депај се надеваше дека ќе игра заедно со Лионел Меси, но на крајот Барселона мораше да го пушти Аргентинецот да замине во ПСЖ бидејќи не може да ги исполни финансиските барања на Ла Лига за фер-плеј.

„Дури не стигнав да го сретнам. Тој доцнеше на подготовките поради паузата од Копа Америка, па не стигнав ниту да го поздравам“, рече Депај со малку тажен глас.

Сепак, според неговите изјави, Мемфис се чувствува како дома во Барселона.

„Сите беа многу љубезни и ми го олеснија овој почеток. Пике ми помогна многу бидејќи неговиот англиски јазик е добар. Добро се забавувам со Алба“, изјави холандското крило.

„Се разбира, има некои момци што ги познавам од порано и од репрезентацијата. Во основа, атмосферата меѓу нас е на завидно ниво во моментов“.

Депај дебитираше против Реал Сосиедад во победата на Барселона од 4:2 минатата недела, а Каталонците сега гостуваат кај Атлетик Билбао. Тој натпревар ќе се одигра утре со почеток во 22 часот во Сан Мамеш.