Дербито на Севиља со осум погодоци, трите поени за Бетис

Со 5:3 Бетис беше поуспешен од Севиља во градското дерби одиграно синоќа. Дербите со осум гола ги оправда очекувањата и на најпребирливите фудбалски љубители.

Бетис цело време го контролираше резултатот. Тие поведоа уште во првата минута со голот на Фабиан Руиз, а десет минути подоцна Висан Бен Једер го изедначи резултатот.

Во водство повторно дојдоа гостите преку голот на Зухар Федал во 21 минута, но Симон Кјер изедначи во 40.

Риза Дурмиси го доведе Бетис во предност од 2:3 во 63. минута од натпреварот, а две минути подоцна Серхио Леон зголеми на 2:4.

Клемент Ленгле намали на 3:4 во 67 минута, а конечните 3:5 ги постави Тељо во шестата минута од судиското надополнување.

По овој натпревар Севиља се задржа на петтото место со три бода помалку од Реал, кој денеска гостува кај Селта Виго, додека Бетис се искачи до осмата позиција.