Енис Барди се сели во Будеслигата!?

Големи се шансите македонскиот капитен Енис Барди од јануари да игра во Бундеслигата. Од пред извесно време тренер на Унион Берлин е Ненад Бјелица, хрватски стратег, кој пред да дојде во Германија беше тренер на Трабзонспорт. Турските медиуми пишуваат дека Бјелица посакува од Трабзон да го земе токму Енис Барди и да го донесе во Унион Берлин.

Договорот на Барди со Трабзон е важечки и истекува во јуни 2025-та година. Тој во Турција пристигна од Леванте за 3 милиони евра, па останува да се види дали и за колку ќе се договорат Унион Берлин и Трабзон.