Еурофарм Пелистер го прегази Тримо Требње за прва победа во Европската лига

Еурофарм Пелистер со високи 33:26 го совлада Тримо Требње на домашен терен и ја забележа првата победа во Европската лига.

Одличната игра на битолчани беше крунисана со победа на европската сцена, а Еурофарм Пелистер покажа дека знае да се надигрува со ривалите.

На почетокот мечот беше прилично изедначен, се играше гол за гол, но сепак одличната игра на Еурофарм Пелистер направи разлика во натпреварот и на полувреме заминаа со висока разлика од 6 голови (20-14).

Во второто полувреме Еурофарм Пелистер успеа да ја задржи предноста која ја стекна во првото полувреме и на тој начин дојде до првата победа во Европската лига со 33-26.

Најефикасен во битолскиот тим беше Стипе Мандалиниќ со 11 гола.