Фановите во Велика Британија нема да можат да го гледаат дебито на Роналдо првите 15 минути

Фудбалерите на Јувентус денеска играат на гости против Киево во рамки на првото коло од новата сезона од Серија А.

Овој натпревар се наоѓа во центарот на вниманието на фудбалската јавност затоа што се очекува дебито на Кристијано Роналдо за „Старата дама“. Меѓутоа љубителите на фудбалот во Велика Британија нема да бидат во можност да ги следат првите 15 минути ов натпреварот во Верона и постои можност евентуално да го пропуштат дебитантскиот гол на Роналдо.

Имено, законот во Велика Британија гласи дека во период од 15:45 до 18:45 на телевизиите му е забрането да пренесуваат натпревари во живо од останатите лиги, а натпреварот во Верона се игра во 18 часот. „Eleven Sport“ ги има правата за пренос на Серија А, а дури ни на својата Фејзбук страна немаат право да ги пренесуваат првите 15 минути од натпреварот Киево – Јувентус.

На оваа телевизија одлучиле да го остават само гласот на коментаторот за гледачите да знаат што се случува во тие 15 минути.