Фернандо Алонсо се опоравува од сообраќајната несреќа

Позитивни вести пристигнуваат од Швајцарија.

Легендарниот возач на Формула 1 Фернандо Алонсо е пуштен од болница на домашно лекување.

Алонсо беше опериран минатата недела откако доживеа сообраќајна несреќа. Шпанецот бил удрен од автомобил додека возел велосипед.

„По дополнителните прегледи, Фернандо беше пуштен на домашно лекување“, се вели во соопштението на болницата.

Шпанецот ќе мора да помине 14 дена во домашно опоравување, по што може да се подготви за стартот на новата сезона во Формула 1.