ФИФА го казнува Мексико поради навреда кон хомосексуалците

Светската фудбалска федерација (ФИФА) покрена постапка против Фудбалскиот сојуз на Мексико за хомофобични испади на натпревар против Доминиканската Република одигран на 18 март.

На овој натпревар присуствуваа одреден број навивачи, а од трибините се слушаа извици навредливи кон хомосексуалците.

Затоа ФИФА поведе постапка против фудбалскиот сојуз на Мексико и дури им се заканува и одземање на бодови.

„ФИФА потврдува дека дисциплинската постапка е отворена против фудбалскиот сојуз на Мексико поради дискриминаторски повици на натпреварот против Доминиканска Република“, се вели во соопштението на ФИФА.

Истите извици беа слушнати и на натпреварот против САД, а ФИФА им се закани на Мексиканците со одземање на три бода и регистрација на мечот во корист на Доминиканска Република со 3:0.

Натпреварот заврши со победа на Мексико од 4:1 во квалификациите за Олимписките игри.