ФОТО: Меси во Дубаи лично договара спектакуларно засилување за Барселона

Еден од најдобрите светски фудбалери Лео Меси ја користи репрезентативната пауза за одмор во Дубаи, каде има интересно друштво.

Аргентинецот ја искористи шансата да се види со Пол Погба, а нивната заедничка фотографија експресно покрена лавина гласини за тоа дека Французинот на лето ќе премина во Барселона.

Познато е дека Погба не е задоволе во Манчестер Јунајтед и дека за неговото заминување се повеќе се зборува во последно време, па затоа ова дружење со Меси претставува интересна тема за шпекулирање.

Исто така, одамна се знае дека Лео Меси во Барселона е многу повеќе од фудбалер, затоа што со години се прашува за многу работи кои се случуваат во клубот. Неговите овластувања се огромни, а ова секако не е прв пат некој да „наговара“ да дојде во Барселона.

Како и да е, Погба и Меси веројатно имаа пријатен ден, а има ли вистина во приказните кои почнаа да кружат – ќе покаже времето.