ФОТО: Ѕвездата на Горан Пандев за триплетата со Интер повторно го краси плоштадот во Струмица

Плочата со ѕвездата на најдобриот македонски фудбалер Горан Пандев повторно го краси плоштадот „Гоце Делчев“ во Струмица.

На местото каде што беше украдена во ноември 2018 година, е поставена нова плоча со ѕвездата.

Ѕвездата на Пандев беше поставена во 2010 година како симбол на освоената титула Европски и Светски шампион со италијанскиот гигант „Интер“, година во која е реконструиран и струмичкиот плоштад.

-Верувам дека овој пат, ѕвездата на Пандев нема да му пречи на никој и ќе остане на градскиот плоштад, ќе ја чуваме исто како и што се радуваме на неговите успеси со коишто ја промовира нашата општина и нашата држава, изјави градоначалникот на Струмица, Коста Јаневски.