Французите објаснија зошто заминувањето на Меси во ПСЖ е невозможна мисија

Лионел Меси полека се враќа во вистинската форма по лошиот старт на сезоната во Барселона.

Меси синоќа постигна два гола во победата на Каталонците против Гранада (0:4), и покажа дека се враќа во форма. Аргентинецот лошо влезе во сезоната по сите падови што се случија кога тој побара раскин на договорот ова лето.

Но, на крајот тој остана во Барселона и очигледно му требаше малку време да се фокусира само на фудбалот. Меси може да го напушти клубот бесплатно во текот на летото, бидејќи неговиот договор истекува, а тој е најмногу поврзан со Манчестер Сити и ПСЖ.

Многумина веруваат дека Сити е фаворит да го донесе Меси доколку тој одлучи да не остане во Барселона, но ПСЖ се вклучи во борбата и преку Нејмар се обидува да го убеди Аргентинецот да дојде во Париз.

ПСЖ сака да ги обедини во нападот на Меси, Нејмар и Мбапе, што би било навистина неверојатно. Но, француските медиуми пишуваат дека тоа ќе биде невозможна мисија за парижаните поради финансиите.

Како и сите клубови ширум светот, ПСЖ претрпе удар поради пандемијата, а платата за Меси би ги оптоварувала премногу. Медиумите пишуваат дека Меси сака плата од дури 60 милиони евра, а треба да се додаде дека Нејмар веќе заработува 30 милиони евра годишно. Исто така, Мбапе наскоро ќе потпише нов договор и сигурно ќе добие поголема плата.

Затоа, звучи невозможно ПСG да троши околу 120 милиони евра годишно на плати само за нив тројца. Финансиски не е можно, но очигледно е дека парижаните барем ќе се обидат да го постигнат тоа.