Германија на Евро 2021 со нов селектор?

Германските медиуми сметаат дека времето на Јоаким Лев заврши.

Поранешниот светски и европски првак има намера да го смени селекторот откако Германија неодамна во Севиља беше поразена од Шпанија со 6:0.

Многу германски легенди сметаат дека сè што се случило во германската репрезентација треба да се анализира, особено најновите резултати, но тие исто така сметаат дека не треба да се брза со промените.

Сепак, Германскиот фудбалски сојуз, наводно, побарал од Лев понатамошна анализа, а некои медиуми најавуваат дека промена може да се случи на следната седница на Извршниот одбор на Федерацијата откако Лев помина 14 години на клупата.

Актуелниот селектор ја презеде Германија од Јирген Клинсман во 2006 година. Оттогаш тој играше финале на Евро 2008, освојувајќи го СП 2014, но Германија значително падна во последните две години. Во Русија беше елиминирана во групната фаза на Светското првенство, а подмладување на селекцијата засега не оди во посакуваната насока.

Извршниот одбор ќе се состане на 4 декември, а дотогаш Лев има многу време да направи целосна анализа.

Постојат големи шанси тој на крајот да добие отказ и некој друг да ја предводи репрезентацијата на Европското првенство каде Германците ќе играат во тешка група со Франција, Португалија и Унгарија, а во март 2021 година ќе започнат квалификации за Светското првенство во Катар во 2022 година.