Го прашаа Погба кој е подобар од него: Едно име ги зачуди сите

Пол Погба беше најскапиот фудбалер на светот кога од Јувентус премина во Манчестер Јунајтед.

„Црвените ѓаволи“ во 2016 годиа за него платија, тогаш рекордни 105 милиони евра, но епитетот „најскапо платен“ не го оправда на теренот.

Сепак, тој се уште важи за еден од најдобрите играчи од средниот ред, па новинарите од „Chanal +“ го прашаа, кој играч од средниот ред го смета за подобар од него.

Погба ги одбра познатите имиња. Иниеста, Модриќ, Крос, Давид Силва, Де Брујне, Јаја Туре, а потоа го додаде и неочекуваното име – Абу Дијаби

На некогашниот фудбалер од средниот ред на Арсенал, повредите му ја уништија кариерата, но за Погба тој е неверојатен играч кој го смета за подобар од себе.

„Луѓето лесно го заборавија, но тој беше неверојатен играч од средниот ред на двете страни на теренот“, рече Погба

Дијаби моментално нема клуб, а последниот во својата кариера за кој има настапувано беше францускиот Марсеј, каде одигра шест натпревари во две сезони.