И тоа е можно: Мануел Ноjер е близу до негативен рекорд во кариерата

Мануел Нојер е без сомнение еден од најдобрите голмани во светот во изминатите 10 години.

Феноменалниот голман на Баерн Минхен често правеше чуда на голот и ги спасуваше Баварците, па затоа е вистински предизвик за напаѓачите.

Сепак, оваа сезона во Бундеслигата, Нојер прими повеќе голови од вообичаеното и очигледно е дека Баерн има многу проблеми во одбраната.

Нојер никогаш не примил повеќе од 32 гола откако пристигна во Баерн во 2011 година од Шалке, а тој број на голови веќе беше изедначен по 23 натпревари оваа сезона.

Сигурно е дека до крајот на сезоната, Нојер ќе го сруши негативниот рекорд по бројот на примени голови во дресот на Баерн, а можеби дури и во неговата кариера.

Нојер прими најмногу голови во кариерата во сезоната 2010/2011 во дресот на Шалке кога го заврши шампионатот со 44 примени голови.