Иако е финале, Гатузо повторно спрема изненадување во составот

Навивачите на Милан веќе неколку години чекаат нивниот тим да се врати на врвот на европскиот фудбал, каде што припаѓа овој италијански гигант.

„Росоњерите“ не беа брилијантни во оваа сезона, но ќе имаат можност да ја завршат сезоната со трофеј. Милан игра во финалето на Купот на Италија во средата, а тимот на Гатузо за противник ќе го има Јувентус.

„Старата дама“ сака да ја заврши сезоната со двојна круна и сигурно Милан го чека навистина тешка работа во обид да го освои Купот на Италија. Гласините во италијанските медиуми веќе започнаа и сигурно ќе не очекува еден спектакуларен натпревар во среда на Олимпико.

Италијанските медиуми шпекулираат за тоа каква тактика ќе примени Гатузо против Јуве, односно дали има рецепт како да ја запре „старата дама“. Наводно, тренерот на Милан од првата минута ќе му даде шанса на Никола Калиниќ во нападот, кој се покажа како голем промашување  откако пристигна од Фиорентина во летниот преоден рок.

Наводно, Калиниќ ќе добие шанса пред младиот Патрик Кутроне, додека Андре Силва воопшто не е во плановите на Гатузо за натпревар против Јувентус. Калиниќ во изминатиов викенд доби шанса за игра од клупата против Верона и конечно постигна. Затоа Гатузо верува дека во финалето од Купот на Италија треба да започне од првата минута.