Ибрахимовиќ: „Нема разлика меѓу мене и Меси, и двајцата гледаме Лига на шампиони преку ТВ“

Шведскиот напаѓач Златан Ибрахимовиќ неодамна одлучи да ја продолжи својата кариерата во САД во ЛА Галакси.

Откако одигра само неколку натпревари оваа сезона во Манчестер Јунајтед, тој одлучи да го раскине договорот со овој клуб и да потпише за ЛА Галакси, во кој имал намера да отиде уште пред две години.

Ибрахимовиќ веднаш стана атракција во Америка, и се појавува секојдневно во медиумите. Пред неколку дена тој ја насмеа спортската јавност кога реши да одговори на прашањето на новинарот кој праша која е разликата меѓу него и Лионел Меси.

„Нема никаква разлика меѓу мене и Меси, и двајцата ја гледаме Лигата на шампионите преку телевизија“, рече Ибра.