Connect with us

Фудбал

„Играв лото секој ден и се надевав на џекпот, а не знаев дека добитниот тикет седи во куќата“

Луис Назарио де Лима попознат како Роналдо за многумина е еден од најдобрите фудбалери на сите времиња.

Роналдо е еден од фудбалерите кои едноставно морате да ги сакате и да уживате гледајќи каква магија овозможува овој Бразилец на фудбалскиот терен.

Тој остави неизбришлива трага во фудбалот, но сигурно е дека ќе направеше уште повеќе доколку кариерата не му беше уништена од тешките повреди на коленото, поради што на крајот мораше да ја заврши кариерата.

Роналдо за прв пат на светот му се претстави со фантастични партии во дресот на Барселона, каде имаше неверојатна сезона во која на 49 натпревари постигна дури 47 гола, што за еден играч тогаш беше нереално.

По една сезона се пресели во Интер каде одигра неколку одлични сезони, но ја заработи и првата тешка повреда на коленото поради која речиси една година беше надвор од терените.

По Интер, Роналдо замина во Реал Мадрид каде исто така остави длабока трага бидејќи на 177 натпревари постигна 103 гола. Кариерата ја заврши во дресот на Коринтијанс на почетокот на 2011 година.

Секако, треба да се истакне дека Роналдо пружи фантастични игри и во дресот на бразилската репрезентација со која двапати беше светски првак. Сепак, подобро се памети Светското првенство од 2002 година, кога беше најзаслужен што кариоките ја освоија титулата.

Роналдо уште од мали нозе покажал неверојатна љубов кон фудбалот и во „морето таленти“ што секојдневно се појавуваат во Бразил бил упорен да успее како фудбалер.

Од утро до вечер мислеше само на фудбал, а како и секој просечен Бразилец имаше прилично тешко детство. Неговата мајка работела три работи за да му обезбеди се што му треба, но не ни помислувала дека тој ќе и се оддолжи за се што ќе му даде.

Во интервју за бразилските медиуми изјавила дека играла лотарија речиси секој ден и се надевала дека ќе го добие џекпотот, но немала поим дека џекпотот е во нејзината куќа.

„Играв лото речиси секој ден надевајќи се дека ќе го освојам џекпотот, но не ни знаев дека добитниот тикет веќе ги крши работите во дневната соба фудбалска топка“, рече мајката на Роналд, Соња.

 

View this post on Instagram

 

A post shared by SPORTbible (@sportbible)

Реклама

Facebook

Реклама