Connect with us

Фудбал

Интер им зададе задачата на другите клубови: Новиот дрес ги воодушеви навивачите (ФОТО)

Минатата сезона, по 11 години чекање, Интер конечно успеа да ја освои титулата италијански шампион.

Интер ја прекина деветгодишната доминација на лутиот ривал Јувентус и конечно успеа да го освои Скудетото за прв пат од 2010 година.

Сепак, веднаш по крајот на сезоната, Интер потврди дека финансиската состојба во клубот не е идеална и дека не можат да направат чекор напред во споредба со минатата сезона и да се борат за титулата во Лигата на шампионите.

Интер го напушти тренерот Антонио Конте и беше заменет со Симоне Инзаги. Исто така замина и Ахраф Хакими, кој минатата сезона беше еден од најдобрите играчи на Интер.

Сепак, клубот верува дека можат да се борат за врвот во Италија и следната сезона, а во Европа немаат големи очекувања.

Интер започна со подготовки за новата сезона и веќе работи со полна пареа. Играчите кои се натпреваруваа на ЕУРО ќе се приклучат за две недели.

Исто така, треба да се додаде дека Интер денес го претстави првиот сет на дресови за новата сезона, што ги воодушеви навивачите.

Дресовите се доста различни во споредба со минатата сезона, но навивачите се воодушевени од дизајнот на новите дресови во кои ќе ги гледаме играчите на Интер следната сезона.