Изјавата на Меси пред натпреварот со Хрватска ја изненади аргентинската јавност

Најдобриот фудбалер на Аргентина, Линонел Меси одигра навистина слабо во натпреварот против Исланд на Светското првенство и уште еднаш потврди дека не му годи притисокот кои на грб му го ставија аргентинските медиуми.

Меси против Исланд помеѓу другото не реализираше пенал, а пред вториот натпревар на СП, против Хрватска имаше навистина чудна изјава.

„Против Исланд изгледавме добро во дефанзива“, кратко прокоментира Меси за новинарите пред натпреварот со Хрватска.

Аргентинските медиуми оваа изјава посебно ја анализираа, затоа што тие мислат дека нивната репрезентација одигра лошо баш во дефанзива и дека многу опуштено ги сфати напаѓачите на Исланд

Аргентина би била во навистина тешка ситуација доколку изгуби од Хрватска во четврток, а тоа значи дека ќе се соочат со можно испаѓање од Мундијалот уште во групната фаза.