Јувентус одличен против Рома

Јувентус ја совлада Рома со 2:0 во дербито на 21. коло од италијанската Серија А.

Екипата на Андреа Пирло изгледа подобро од натпревар во натпревар. Вечерва продолжија со одличната игра и ја совладаа Рома.

„Волчицата“ беше опасна на овој натпревар. Тие имаа свои шанси, но Јувентус, за разлика од Рома, ги искористи своите шанси.

Бјанконерите поведоа во 13. минута. Одличен гол постигна Кристијано Роналдо за предност од 1:0 .

Роналдо потоа ја затресе пречката на голот на Рома. „Волчицата“ во неколку наврати се закани добро, но на пауза замина со резултат 1:0.

И во продолжението од мечот, двете екипи имаат свои шанси. Прашање на време беше да видиме уште еден погодок, а на крајот го видовме во 69. минута. По убавата акција на домашниот тим, Ибанез ја погоди сопствената мрежа за предност на Старата дама од 2:0.

Со овие три бода Јувентус ја престигна Рома на третото место и ја продолжува потерата по Интер и Милан.