Како Мурињо го гледа Светското првенство?

Менаџерот на Манчестер Јунајтед, Жозе Мурињо има два одлични фаворити за освојување на Светското првенство.

Посебно како главни фаворити ги гледа Бразилците, а покрај нив големи шанси за освојување на титулата им дава и на Шпанците.

“Бразил може да ја освои титулата поради тренерот Тите. Може да играат навистина одлично тактички натпревари и со талентите кои ги имаат ќе биде интересно да се видат на оваа Светското првенство”, изјави Мурињо, додавајќи:

“Од европските тимови би ја издвоил Шпанија. Тие имаат искусен тим, но исто така и со висок квалитет. Меѓу другите селекции би ги издвоил Аргентина и Португалија поради Меси и Роналдо. Сепак, никогаш не се знае. На Светското првенство секогаш може да има изненадувања”, изјави Мурињо.