Калчо дуел за Савиќ

Актуелниот шампион на Италија, тимот на Јувентус, доби сериозна конкуренција во вечниот ривал Интер, кога е во прашање потписот на српскиот интернационалец од редовите на Лацио, Сергеј Милинковиќ-Савиќ.

Главен адут на “нероазурите” во преговарачкиот процес треба да биде Џузепе Марота, кој во следните неколку дена и официјално ќе биде претставен како нов генерален менаџер на Интер. Сепак, за да ги осигураат услугите на одличниот играч за врска, раководните лица на Интер ќе мораат да испратат официјална понуда која не смее да биде помала од 100 мил. евра.