Капело им порачува на екипите од Серија А да не се откажуваат од „Скудетото“

Легендарниот италијански тренер Фабио Капело има порака за екипите во италијанската Серија А.

И покрај тоа што сите сметаат дека приказната околу „Скудетото“ веќе во почетокот на јануари е завршена со оглед на тоа што Јувентус има девет бода предност во однос на Наполи кој е на втората позиција, Капело сепак им порача на клубовите да не се откажуваат.

Јувентус го освојуваше „Скудетото“ седум пати по ред и повеќето пати тоа го правеше без многу неизвесност, па многумина се надеваат дека Наполи и Интер сепак трката за титулата можат да ја направат нешто поинтересна. Поддршка имаат и од Капело.

„Не се сложувам дека трката за „Скудетото“ е готова. Погледнете уште колку бодови се во игра. Тие кои го бркаат Јувентус не би смееле да се откажат. „Старата дама“ доминирава веќе седум години, но страста на навивачите се уште е тука. Во Милан дури и расте“, кажува Капело.

Инаку последниот клуб кој го освои „Скудетото“ пред Јувентус беше Милан во сезоната 2010/11.