Connect with us

Фудбал

Карлес Алена ја напушти Барселона и потпиша за Гетафе

Барселона денес официјално потврди дека Карлес Алена повеќе не е член на првиот тим, и дека вториот дел од сезоната ќе го помине на позајмица.

Алена досега одигра само пет натпревари во дресот на Барселона оваа сезона и веднаш стана јасно дека Роналд Куман не смета на него премногу сериозно.

Во договор со клубот беше одлучено дека е најдобро Алена да замине на позајмица до крајот на сезоната, а неколку клубови од Ла Лига покажаа интерес за него.

Но, на крајот, Алена реши кариерата да ја продолжи во дресот на Хетафе, каде денес беше официјално претставен како ново засилување.

23-годишниот играч сигурно ќе има подобри минути од Барселона, а Хетафе ќе има можност да го откупи неговиот договор на крајот на сезоната.