Кавани ги полуде Емери и резервните играчи на Виљареал со груб потег на загревање

Манчестер Јунајтед во средата на домашен терен го победи Виљареал со 2:1.

Шпанскиот клуб поведе на почетокот на второто полувреме со голот на Алкасер за 1:0, но Манчестер Јунајтед успеа да стигне до пресвртница до крајот на натпреварот.

„Црвените ѓаволи“ израмнија во 60. минута со голот на Телес, а победата им ја донесе Кристијано Роналдо со гол во 95. минута од натпреварот.

Сепак, по натпреварот фокусот беше ставен на уругвајскиот напаѓач Единсон Кавани, кој одигра околу 20 минути на овој натпревар.

Имено, Кавани успеа да ги „излуди“ Унаи Емери и резервните играчи на шпанскиот клуб уште пред да влезе на теренот.

Емери им даде инструкции на своите резервни играчи како да се загреат и да бидат што е можно поподготвени пред да влезат на теренот, но неговите планови беа спречени од Кавани.

Кога Кавани отиде да се загрее, намерно застана меѓу играчите на Виљареал, така што тие не можеа да се загреат како што беше планирано, што ги налути Емери и неговите помошници.

Од Виљареал, рекоа дека Кавани не покажува почит кон нив, и дека такви работи не се прават.

? Unai Emery employs a tactical periodisation method of warming up his substitutes – they were going through a routine when Cavani decided to stretch his muscles between them in an apparent effort to unsettle, provoking an angry response from Emery's staff. [@TheAthleticUK] pic.twitter.com/1XwY0B06kN

— UtdDistrict (@UtdDistrict) October 1, 2021