Кикер: Горетцка ќе потпише во наредните денови, ќе заработува 15 милиони евра годишно

Германскиот играч за врска Леон Горетцка ќе потпише нов договор со Баерн.

Иако од Баерн не пристигна официјална потврда, германскиот весник Кикер забележува дека се е готово и дека е постигнат договор за продолжување на соработката.

Играчот потпиша нов договор до 2026 година, а во Баерн пристигна во 2018 година од Шалке.

Неговиот актуелен договор со Баварците истече на крајот на сезоната, но Баерн успеа да го убеди да остане. Горецка ќе заработува 15 милиони евра годишно.

Ова лето го бараа клубови како Реал Мадрид и Манчестер Јунајтед, но тој самиот ја донесе одлуката да остане член на германскиот шампион.

Оваа сезона играчот од средниот ред одигра четири натпревари во Бундеслигата, но не се запиша меѓу стрелците ниту пак забележа асистенција. Една сезона претходно, во Бундеслигата, одигра 24 натпревари, постигна пет гола со пет асистенции.