Кире Лазаров – повторно изгласан за најдобар десен бек во светот!

Македонскиот најдобар ракометар, Кирил Лазаров повторно доминира за најдобар десен бек во светот за 2017 година во традиционалниот избор на специјализираниот ракометен веб медиум „Planet-Handball”.

Негови конкуренти се: Алекс Душебаев, Недим Ремили и Ласло Наџи.

Кире во годината која што изминува беше најдобар срелец на Светското првенство во Франција во јануари годинава.

Десниот бек ја освои ASOBAL лигата, Купот на Кралот, ASOBAL Купот и ASOBAL Суперкупот, а со Барселона играше и во полуфиналето на Лигата на шампионите, за подоцна да го освои четвртото место.

Ова лето, најдобриот десен бек во светот, реализира трансфер во Нант и веднаш го освои првиот трофеј, Суперкупот на Франција (Трофеј на шампионите), откако во финалето го совлада ПСЖ.