Клоп: Глупаво е да се зборува за титулата

Ливерпул ја продолжи резултатската криза со пораз од Барнли од 0:1.

По непроспиена ноќ, Јирген Клоп во изјава за британските медиуми рече дека во оваа ситуација би било глупаво да се зборува за титулата англиски шампион.

„Треба да работиме повеќе. Претпоставувам дека сме свесни за тоа сега. Ова беше сериозен шамар во лице. По овие четири натпревари каде не постигнавме погодок, мислам дека е глупаво да се зборува за титулата“, рече Клоп, а потоа додаде:

„Тешко е да се објаснат вакви работи. Ова се моменти кога сте беспомошни. Сè поминува, па дури и ова. Од сето ова мора да се засилиме. Го победивте Кристал Палас со 0:7, па добивате вакви удари“.