Кои се опциите за Марио Балотели?

Марио Балотели веројатно дефинитивно би ја напуштил Бреша, бидејќи екипата од Ригамонти испаѓа од Серија А, а договорено е дека во случај клубот да се врати на втор ранг, 29-годишниот напаѓач може да оди како слободен агент.

Сепак, во меѓувреме, односите меѓу Балотели и раководството на клубот се посложени, а во моментов, заради работи за кои одамна се пишуваше, се води спор околу договорот на Супер Марио.

Она што е сигурно е дека Балотели многу брзо ќе замине од Бреша, но она што е во прашање е неговата иднина – особено откако Бреша ја „ажурираше“ неговата тежина и „откри“ дека има осум килограми над неговата оптимална тежина.

Ова, наводно, веќе го одвратило аргентинскиот гигант, Бока Јуниорс, кој беше подготвен веднаш да му понуди договор на Балотели.

Сега се поставува прашањето: Кои се опциите за Балотели?

Според она што може да се прочита во италијанските медиуми, една од опциите за Балотели е Обединетите Арапски Емирати, но малку е веројатно дека Италијанецот навистина ќе го најде својот нов предизвик во оваа земја.

Во моментов, се верува дека најсериозните понуди / опции Балотели ги има во Турција, Бразил и МЛС.

Исто така, Италијанците продолжуваат да пишуваат дека Монца, тим во сопственост на Силвио Берлускони и кој освоил место во Серија Б, може да се обиде да го ангажира Балотели. Лидерите на Монца го негираа тоа, но новинарот на „СпортМедиасет“, Клаудио Раимонди, сепак тврди дека Монца сериозно размислува за Балотели.

Каде Балотели ќе ја продолжи својата кариера и дали конечно ќе се „освести“ останува да се види.