Коментарот на Ловрен на Инстаграм доволно зборува за тоа што мисли за наградата на Рамос

Капитенот на Реал Мадрид Серхио Рамос синоќа беше прогласен за најдобар дефанзивец во Европа во измината сезона.

За потсетување, Рамос во текот на минатата сезона по трет пат во низа ја освои Лигата на шампионите и повторно беше еден од најдобрите фудбалери.

Сепак, со фактот дека тој ја освои наградата за најдобар дефанзивец очигледно не се сложува фудбалерот на Ливерпул Дејан Ловрен, а незадоволството го искажа преку друштвените мрежи.

Тој на Инстаграм во коментар остави две „facepalm“ емоџи, со што покажа дека ни малку не му е мило што Рамос е избран за најдобар.

Инаку, една од причините за незадоволството на Ловрен секако е фактот дека Рамос го повреди неговиот соиграч Мохамед Салах во финалето од Лигата на шампионите.

Dejan Lovren doesn't seem happy that Ramos won best defender ??? pic.twitter.com/nf7Y3XVOaQ

— Anything Liverpool (@AnythingLFC_) August 30, 2018