Конте: Имам амбиција, ми требаат пари

Менаџерот на Челзи, Антонио Конте, го обвини раководството на клубот, како и сопственикот Роман Абрамович, за неуспешната сезона.

Италијанецот одговори на нападите дека веќе ги нема амбициите, што ги направија „сините“ шампиони минатата сезона.

– Во однос на Манчестер Сити сме различни по едно нешто. Менаџер и раководство кои исто размислуваат. Таму работите излегуваат како што треба, додека кај нас не. Јас ја имам потребната амбиција да успеам во Челзи, но немам ресурси за тоа. Кога пристигнав овде, јасно кажав дека имам големи планови. Јас сум победник, а не губитник. Во клубот знаат какви се моите идеи, но не ми даваат пари за да ги остварам, прокоментира Конте.

Челзи му гостува на сигурниот нов шампион на Англија, Манчестер сити во дербито на 29-тото коло на Премиер лигата во недела од 17 часот.