„Кралевите“ со понуда до Јувентус за Миралем Пјаниќ

Реал Мадрид ја заврши сезоната повторно со освојување на Лигата на шампионите, иако во домашното натпреварувања на „Кралевите“ не им одеше баш најдобро оваа сезона. На Сантијаго Бернабеу, се подготвуваат неколку промени кога станува збор за играчите, и на мета на овој клуб се наоѓаат многу играчи.

Како што пишува француски „Sport“, на мета на „Кралскиот“ клуб, меѓу другите, се наоѓа и Миралем Пјаниќ. Француските медиуми се повикуваат на информации од „Sky Sport“ дека од Реал Мадрид покажале голем интерес за Пјаниќ кој сакаат да го доведат во своите редови.

Во последно време многу се зборува за судбината на Лука Модриќ, кој неодамна изјави дека нема да ја заврши својата кариера во Реал, и неговата желба е да игра во МЛС во САД. Наводно, во Реал веќе се подготвени за неговото заминување и го гледаат Миралем Пјаниќ како одлична замена за Модриќ.

Наводно, Реал е подготвен за Пјаниќ да плати околу 65 милиони евра и сега се чека одговор од Торино.