Connect with us

Фудбал

Куман го објави списокот на играчи за ПСЖ и ги воодушеви навивачите на Барселона

Фудбалерите на Барселона вечерва на домашен терен го играат првиот натпревар од осминафиналето во Лигата на шампионите против ПСЖ.

По двомесечна пауза, Лигата на шампионите се враќа на најдобар начин со пресметката помеѓу Барселона и ПСЖ. Постои голема напнатост меѓу клубовите, што ни гарантира нов спектакл на теренот.

Натпреварот се игра од 21 часот на „Камп Ноу“, а Роналд Куман го откри списокот на играчи кои ќе се натпреваруваат за вечерашниот натпревар.

Она што најмногу ги воодушеви навивачите на Барселона е што се врати Жерард Пике, кој повеќе месеци беше надвор од терените поради повреда. Пике доби зелено светло од докторскиот тим и ќе биде интересно да се види дали ќе игра од првата минута.