Лапорта ја откри судбината на Дембеле: На Французинот не му се допадна тоа што го слушна

Усман Дембеле на лето дефинитивно ќе ја напушти Барселона.

Иако 24-годишниот крилен напаѓач со денови се поврзува со голем број клубови, од неговото заминување во јануари нема ништо, но бидејќи не го продолжува договорот со Барселона, јасно е дека ќе биде на Ноу Камп до лето.

Дембеле во последниот ден од преодниот рок се поврзуваше со ПСЖ, Челзи и Тотенхем, но тој ги одби сите понуди и реши да остане во Барселона и да го одработи договорот до крајот на сезоната.

Французинот пристигна во Барселона во 2017 година од Борусија Дортмунд во трансфер вреден 140 милиони евра и се покажа како целосен неуспех.

Претседателот на Барселона, Жоан Лапорта денеска ја откри судбината на Французинот, а тоа што го слушна сигурно нема да му се допадне, а тоа е дека повеќе не треба да игра за Барселона.

„Градиме тим за долги стази важно ни е на кого можеме да сметаме следната сезона. На него веројатно нема, неговиот тим не сакаше да ги прифатите условите што ги понудивме и тоа е тоа“, рече Лапорта и продолжи:

„Можевме повторно да преговараме, но мислам дека тој не го сака тоа. Тоа што го понудивме беше многу добро, но неговите барања беа неисполнети. Се обидовме да најдеме решение за преостанатите шест месеци од договорот, да одиме во друг клуб. но тој не го сакаше тоа“.

„Чувствувам дека има договор со некој друг клуб, па тешко дека повторно ќе игра за Барселона. Секако, одлуката ќе ја донесе Чави“, заклучи тој.

Оваа сезона Дембеле одигра само 11 натпревари за Барселона, постигна еден гол и подели две асистенции.