Фудбал
Лацио без Нани најмалку еден месец
Фудбалерот на Лацио, Нани ќе биде отсутен од теренот еден месец поради повреда на бутниот мускул.
Португалецот беше повреден за време на средбата со Витесе (1:1) во Лигата на Европа.
– Конечната дијагноза е она што го очекувавме. Нани има мускулна траума. Прогнозата е дека ќе мора да се одмори од три до четири недели. Во исто време, Фелипе Андерсон закрепнува добро и се надевам дека ќе се врати за неколку дена, а за две седмици ќе биде целосно подготвен за натпревари, соопшти римскиот калчолигаш.
Лацио моментално се наоѓа на петтата позиција во Серија А со 29 бодови.