Леброн: Вистинските Лејкерс ќе ги видите кога Дејвис ќе биде во препознатливата форма

Првата ѕвезда на Лос Анџелес лејкерс, Леброн Џејмс, по поразот од Феникс од 90:99 во првиот натпревар од НБА плејофот во 2021 година изјави дека формата на Ентони Дејвис е клучна за неговиот тим.

На синоќешниот натпревар, 28-годишниот Дејвис постигна 13 поени, 7 скока и 3 блокади, реализирајќи само 5 од 16 удари од поле за 39 минути.

– Ентони Дејвис секогаш одговара на притисокот со добра изведба. И, ако знае дека неговото ниво на игра не остава шанси за нашиот тим, тогаш тој дефинитивно ќе додаде гас. Затоа, со нетрпение го чекам следниот натпревар со Феникс. Ќе ги видите вистинските Лејкерси кога самиот Дејвис ќе биде во неговото препознатливо издание, истакна Џејмс.

Следниот натпревар Санс и Лејкерс ќе го играат ноќта вторник кон среда.