Фудбал
Легендарниот Иниеста се пофали со 38 трофеј, учествуваше со 95 минути, со НУЛА голови!
Легендарниот шпански играч за врска Андрес Иниеста се пофали со освоениот 38. трофеј во кариерата. Иниеста моментално настапува во лигата на Обединетите Арапски Емирати за клубот Емирати, а се пофали со титулата која ја освои Висел Кобе во Јапонија. Во претпоследното коло од јапонската Џеј-лига, Висел Кобe за првпат стана шампион. Иниеста го напушти клубот на 8 август откако одигра вкупно 95 минути оваа сезона во четири натпревари без голови и без асистенции.
3️⃣8️⃣ pic.twitter.com/syFsddPypX
— Andrés Iniesta (@andresiniesta8) November 28, 2023
Но, и покрај практично никаков придонес, тоа не го спречи да се пофали со титулата шампион на Јапонија на социјалните мрежи, а јасно е зошто го направи тоа. Имено, сега само двајца негови поранешни соиграчи од Барселона имаат повеќе трофеи од него, Лионел Меси кој има 44, а Дани Алвеш со 43 освоени трофеи.