Ливерпул на чекор до нов трансфер: Французинот беше голема желба на Јирген Клоп

Ливерпул во моментов работи на финализирање на договорот за трансфер на стоперот Ибрахим Конате од Лајпциг.

Сега релевантен извор како „Атлетик“ тврди дека Ливерпул ќе ја активира клаузулата во договорот со 21-годишниот Французин, кој на лето ќе дојде на „Енфилд“ за околу 40 милиони евра.

Наводно, зделката е во завршна фаза и Ливерпул нема да губи време обидувајќи се да ја намали цената, но затоа ќе ја активира клаузулата и сега преговара за последните детали со самиот играч.

Реал Мадрид, Барселона, Манчестер Јунајтед и Арсенал исто така беа заинтересирани за Французинот висок 194 сантиметри.

Тој дојде во Лајпциг во 2017 година од Сошо и досега одигра 89 натпревари. Во Ливерпул, таков играч е неопходен бидејќи тековната сезона во Премиер лигата беше уништена токму поради бројните повреди на одбранбени играчи.

? Exclusive: Liverpool working to finalise deal for Ibrahima Konate from RB Leipzig. Not done but significant progress made + #LFC pursuit of 21yo French centre-back now advanced. Likely his ~€40m release clause will need paying @TheAthleticUK #RBLeipzig https://t.co/GIdqf6yMXN

— David Ornstein (@David_Ornstein) March 29, 2021