Connect with us

Фудбал

Ливерпул заврши уште еден трансфер во последните минути

Озан Кабак е нов фудбалер на Ливерпул, ако може да им се верува на пишувањата на британските медиуми, поточно на угледниот Скај Спорт.

Кабак доаѓа на позајмица од редовите на Шалке 04, додека „Рударите“ ќе го надоместат заминувањето на Кабак со доаѓањето на Мустафи. Ливерпул ќе има шанса да го откупи договорот на крајот на сезоната. Кабак треба да ги заврши медицинските прегледи до 20 часот.

Кабак е вториот стопер што дојде во Ливерпул за два дена. Пред него беше Бен Дејвис од Престон.

Клоп сега е смирен што се однесува до стоперите. Тие ќе имаат четири на располагање, поточно Филипс, Вилијамс, Дејвис и гореспоменатиот Кабак, па Хендерсон и Фабињо конечно ќе го заземат своето место на средината на теренот.

Да потсетиме, поради повредите „црвените“ останаа без тројца стопери Гомез, Матип и од претходно Ван Дијк.