Мајк Тајсон искрен: Не би имал никакви шанси против Али

Мајк Тајсон е познат како еден од најдобрите нокаутери на сите времиња.

Многумина го сметаат Мајк Тајсон како еден од најдобрите досега, заедно со Мухамед Али, а во неодамнешната симулација на „eSports“, Тајсон го победи Али со поени.

Тајсон го коментираше овој виртуелен турнир, тврдејќи дека нема никакви шанси во реалниот живот со славниот Али.

„Знам дека тоа е само фантазија, и тука можам да победам. Не би имал шанса во вистинска борба. Но, тој е најголемиот што досега се има појавено“, рече Тајсон.

И двајцата боксери поминаа повеќе од 20 години во рингот. Тајсон доби 50 од 58 борби, додека Али доби 56 од 61 борба.

Али почина во 2016 година на 74-годишна возраст, но неговите постапки ќе останат засекогаш запаметени.