Македонија ЃП во последната минута до победа над Ренова, победа за Шкупи и Академија Пандев

Во 24. коло од ПМФЛ Академија Пандев ја пречека Струга Трим, Работничи му гостуваше на Беласица, Ренова ја пречека Македонија ЃП, а Шкупи му гостуваше на Силекс.

Академија Пандев успеа да забележи минимална победа од 1:0 над Струга Трим. Велиновски во 29. погоди за 1:0, а тоа беше и конечниот резултат на натпреварот. Домаќинот во самиот крај на натпреварот остана со играч помалку откако во 83. минута беше исклучен Манев, но сепак резултатот остана непроменет и Академија Пандев ги освои посакуваните три бода.

Академија Пандев сега се наоѓа на 8. место на табелата со 28 бодови, а Струга Трим е на 4. позиција на табелата со 34 бодови.

Беласица и Работнички ги поделија бодовите. Мрежите се затресија по еднаш на двете страни. Н Резултатот го отвори домаќинот со голот на Гуџуфи 18. минута од натпреварот, а во самиот крај на натпреварот Работнички се спаси од пораз со голот на Петковски во 89. минута.

Работнички го зазема 5. место на табелата со 33 бодови, а Беласица останува на последната, 12. позиција на табелата со 14 бодови.

Македонија ЃП ја совлада Ренова на гостински терен со 1:2. Резултатот го отвори Шефити кој со голот во 16. минута од натпреваро ја донесе Ренова во водство од 1:0. Во 36. минута од натпреварот Алексовски го изедначува резултатот на 1:1, а во третата минута од судиското надополнување да Силва ги постави конечните 1:2 и му донесе победа на својот тим.

Македонија ЃП со оваа победа е на 3. позиција на табелата со 41 бод, а Ренова е на 11. позиција со 24. бодови.

Шкупи издвојува победа над Силекс со 1:3. Како и на другите натпреварит кои се одиграа денеска, така и на овој резултатот го отвори домашната екипа со голот на Каракамишев во 15. минута од натпреварот. Шкупи успеа да изедначи на 1:1 со голот на Абдул во 38. минута од натпреварот. Во 71. минута Шкупи доаѓа во пресврт и водство од 1:2 со голот на Диак.

Кратовчани во 79. минута останаа со играч помалку откако беше исклучен Тимовски, а Региналдо во 88. минута од натпреварот ги постави конечните 1:3 за Шкупи. Кратовчани

Шкупи е на второто место на табелата со 46 бодови, а Силекс е на 10. позиција на табелата со 26 бодови.